اللى قلبه جامد يخش ويسيب رد (عربيات عربيات) عمرو الكفراوى

عربيات عربيات
زحمه كبيره واشارات
اللى بيشخط واللى بينطر
واللى نايم عمال يشخر
واللى اتشحطط
واللى اتبطط جوا الاتوبيس
واللى بيحلم يبقى عريس
والطلبه معاها كراريس
وقف الزمان جوا المكان
وقف الطريق
صاع الصديق
صاحى الامل
مات الامل
جوا الطريق
واللى بقاله كتير مستنى
واللى مهموش بيغنى
حتى موبايلى اتسرق منى
وسط الزحام
كنا بنحلم نبقى تمام
كانت احلام كلها انغام
كانت انغامنا عن الحريه
كل كلامنا بميت اغنيه
كان فستاننا مرصع ماس
كان صفاره راجل فاشل
عطل احلامنا واغانينا
موت فرحتنا فى نفسينا
مجروحين ومين يداوينا
عربيات عربيات
زحمه كبيره واشارات
شفتوا شارعنا وشفتوا حارتنا
كانوا بناتهم زى الحور
صبحت زى الارض البور
امتى الراجل دا هيغور
توت توت يا رب يموت
كرشه كبير بقى زى الحوت
انت سا معنى يا مضيعنى
ياللى طفيت الشمعه فى قلبى
ياللى ظلمت كتير ومخبى
بكره هتيجى رياح تغيير
والدبه هتقع فى البير
عربيات عربيات
زحمه كبيره واشارات.
انت ياقلبى وانتى ياعينى
حاولى تبصى ورا الكواليس
حاولى تشوفى مين بيهيص
الحرامى عامل بوليس
والبوليس هو الحرامى
وادى رساله كمان لعظامى
يوم الضرب متتكسريش
وانت يا سارح
وانت يا هايم
وانت يا سايب كله ونايم
اصحوا وفوقوا
وعيشوا ودوقوا
طعم الحريه الحقيقيه
وانتى يا حلوه انتى وهى
ربى عيالك هو كذلك
واوعى تجيببى حد بدالك
وانتوا يا ناس يا كتير ملايين
ياللى بنيتوا بيوت من طين
ياللى زرعتوا حصدتم ايه
وانتى يا هانم وانت يا بيه
ياللى عملتوا فلوس م الدم
هربتم ليه
عربيات عربيات
زحمه كبيره واشارات
وفى الختام هرمى السلام
على اى حد صان الارض
والعن واشتم اللى بيهدم
واللى يعطل اى طريق
واجرى واسقف
للى للى هيهتف باسم بلادى
واللى هيلعن اى قيادى ظالم طاغى
واللى بيخرملى فى دماغى
بكره هيجيبوا لايمكن اسيبه
وهلبسه جلبيه بمبى
واقعده جنبى فى العربيه
وساعتها هشغله الاغنيه
عربيات عربيات
زحه كبيره واشارات
عمرو الكفراوى